Editorial напомена

1. Што значи Editorial употреба

Editorial употребата на фотографија подразбира употреба во новинарски, документарен или информативен контекст, со цел илустрирање на вести, настани или прашања од јавен интерес. Примери на editorial употреба се: прес соопштенија, новинарски текстови, документарни публикации, книги со историска содржина и едукативни материјали.

Editorial употребата е разграничена од комерцијалната употреба, при која фотографијата се употребува за промовирање или продажба на производи и услуги, или за создавање впечаток дека прикажаното лице одобрува одреден производ, услуга или идеја.

2. Зошто постои оваа ознака

Фотографиите на Photonia.mk ги снима M&M Фото при документирање на јавни настани во Република Македонија: политички собири, спортски натпревари, општествени настани, протести, културни манифестации и слично. Поголемиот дел од овие фотографии содржат препознатливи лица.

Снимањето е законски засновано врз доктрината на editorial употреба и правото на јавна информираност. Фотографираните лица се наоѓале на јавно место или на јавен настан и не постои обврска за прибавување на индивидуална писмена согласност за фотографирање во такви околности, согласно членот 7 став 2 од Законот за авторско право и сродни права и применливата судска практика.

Сепак, употребата на вакви фотографии во комерцијален контекст создава правни ризици поврзани со правото на личноста, правото на сопствена слика и правото на репутација. Ознаката Editorial Only го заштитува и купувачот и Операторот од тие ризици.

3. Забранети контексти на употреба

Фотографиите означени со Editorial Only не смеат да се употребат во следните контексти, дури и со Комерцијална лиценца:

4. Дозволени контексти на употреба

Фотографиите со ознаката Editorial Only можат да се употребат во следните контексти:

• ✓Новинарски и информативни текстови, со јасен едиторијал контекст (опис на настанот, датум, место).
• ✓Прес соопштенија кои го документираат настанот прикажан на фотографијата.
• ✓Книги, списанија и публикации со документарна или историска содржина.
• ✓Едукативни материјали кои го анализираат настанот прикажан на фотографијата.
• ✓Архивска и документарна употреба во медиуми.
• ✓Употреба на веб страница на медиум во рамките на новинарска содржина поврзана со настанот.

5. Фотографии без editorial ограничувања

Фотографиите кои не содржат препознатливи лица немаат editorial ограничувања и можат да се купат за полн комерцијален обем согласно Комерцијалната лиценца. Ваквите фотографии вклучуваат:

• ›Широки кадри и пејзажи без препознатливи лица.
• ›Архитектонски фотографии.
• ›Фотографии на природа и животна средина.
• ›Апстрактни и детал-кадри.
• ›Фотографии во кои лицата не се видливи или не се препознатливи.

6. Право на лицата на фотографијата

Секое лице кое се препознава на фотографија достапна на Платформата и смета дека продажбата на таа фотографија ги нарушува неговите/нејзините права, може да поднесе барање за бришење на фотографијата.

Постапката за поднесување на такво барање е детално опишана во документот Барање за бришење на фотографија. Операторот е должен да одговори во рок од 7 работни дена.

7. Одговорност на купувачот

Купувачот кој ја употребува фотографијата надвор од дозволениот editorial контекст ја презема целокупната правна одговорност за штетата настаната на прикажаното лице. M&M Media не сноси одговорност за употреба на фотографијата надвор од условите на лиценцата. При откривање на злоупотреба, Операторот го задржува правото да ја прекине лиценцата без поврат на средства и да ги пријави прекршувањата на надлежните органи.

8. Контакт